<![CDATA[LACHNER WÖSCHWIIBER

<![CDATA[LACHNER WÖSCHWIIBER - Blog]]>Tue, 27 Jan 2026 11:48:01 +0100Weebly<![CDATA[Bienvenue au Moulin Rouge]]>Sat, 06 Jan 2024 10:09:43 GMThttps://www.woeschwiiber.ch/blog/bienvenue-au-moulin-rougeJa, richtig gläse. D Wöschwiiber händ en Abstächer is Moulin Rouge gmacht! Das mit em Can-Can Tanz müend mer sicher nochli üebe. Aber defür hämmer au das Johr wieder "See La Wyy" dekoriert. Da gfind me sich inere ganz andere Wält wieder. Zwüsched Straussefedere, Can-Can, Cabaret und und und, chönd ihr jetzt alli ächli Pariser Moulin Rouge schnuppere.

Übrigens, au das Jahr hämmer wieder es paar Bilder gstaltet. Nüme grad soviel wie letschts Johr, aber doch au es paar. Und die tüned mer denn wieder am Chliine Ziischtig versteigere. Es git dänn auch ganz feins Raclete vo üs Wöschwiiber serviert. Es lohnt sich also, wenn am Chliine Ziischtig am 17.00 im See La Wyy verbii luegsch. Und wer weiss, villicht ghörsch du zu de Ersteigerer vo somene wunderprächtige Bild? Das würd üseri Deko-Kasse wieder chli ufmoze ;-)

Üs Wöschwiiber gseht me denn au a de beide Umzüg vo de Narrhalla am 13.1. (Nachtumzug) und am 14.1.24. Nöd ganz im Wöschwiiber Kostüm, mir händ üs es bitz am Motto aapasst. Lönd Eu überrasche. Und wills e churzi Fasnacht isch, goht's Schlag uf Schlag wiiter. E Wuche spöter - am 28.1.24 simmer am Bezirksumzug in Bäch, En Tag spöter isch de erschti Fasnachtstag, wo mir wieder zäme mit de Narrhalla d Chinderfasnacht uf de Gass organisiered.

Am schmutzige Donnschtig goht denn s einte oder andere Wöschwiib nochli go butzne - sicher mached mer es Bsüechli im Altersheim und i de Alterswohnige.

Was ihr au nöd sötted verpasse - am Sunntig, 11. Februar isch de Chinderfasnachts-Sunntig i de Seefeldturnhalle z Lachä. Au do simmer natüürli debii. En Tag spöter - am Güdelmäntig - schmiked mir denn wieder Chlii, Jung, Älter und Alt, damit alli die letschte Fasnachtstäg im richtige Look chönd aago. Mir sind dänn wieder mit Schmink- und Kafizält uf de Märtstrouss aazträffe.

Am Obig gsehnd er üs denn grad nomol, mir unterstützed d Hore-Butzi bi ihrerer Schnitzelbanktour dur d Restaurants. Mir händ defür extra öppis vorbereitet, wo au ihr dörfed (oder söttet) mittmache. Chönd scho mol gspannt sii.

Und dänn isch de au scho chliine Ziischtig und de letschti Fasnachtstag. Üs gsehnd er am Iizug vo de Fasnachtsgsellschafte und dänn natürli: TÖTERÖTÖTÖÖÖÖÖ: Bilderverschteigerig mit feinem Raclette im See La Wyy! Chömmed verbii, mir freued üs!

]]><![CDATA[Wanted... Al Capone underem Hammer!]]>Tue, 21 Feb 2023 06:15:55 GMThttps://www.woeschwiiber.ch/blog/wanted-al-capone-underem-hammerJa genau! Richtig gläse! Hüt Obig am Chliine Ziischtig wird de Hammer gschwunge! Und zwar wärded üseri Deko-Bilder im See La Wyy versteigeret. Und du chas natüürli debii sii und mitsteigere :-)

Wär's nöd so mit Kunst hät, aber unbedingt eine vo dene Chöpf wo gsuecht wärded, möchti mitheinäh und zum Biispiel im Wohnzimmer ufhänke (ja, das chunt sicher guet), auf für die oder dä isch hüt Oubig, de richtig Momänt is See La Wyy zcho. Alli üseri Wanted-Bilder wärded nämli ebeso versteigered.

Das ganze goht natürli nöd ohne profundi Leitig. Dur de Aalass füehrt de Polizist Guido und lueged, dass au aaständigi Aagebot uf de Tisch chömmed. Übrigens, es isch üs zuetreit worde, dass es bereits anonymi Büüter gäbi. Jawohl. Richtig gläse.

Also, nöd verpasse, am beste chunsch hüt Obig am 6i is See La Wyy und machsch a dem Versteigerigs-Spektakel grad mit. Mit dem Chole chömmer dänn nämli scho die nöchschti Deko a de nöchschte Fasnacht plane...

]]><![CDATA[Fasnacht 2023]]>Fri, 06 Jan 2023 09:16:45 GMThttps://www.woeschwiiber.ch/blog/fasnacht-2023ENDLICH!!! Es isch mol wieder RICHTIGI Fasnacht! Weisch so mit richtige Umzüg, mit butzne i de Beize mir chönd Rosouli, Schnapps, Zältli, Brügeli und und und verteile und fäschte das Decki gwagglet. Ei ei ei, ob mir no wüssed, wie das goht? Mir wärded's usegfinde!

Zum Biispiel im See La Wyy... die Wyybar hämmer churzerhand umgwandlet in Hermann's Mafiazentrale. Chömmed cho luege! Aber ufpasse! De Hermann isch de Boss und es tummlet sich ganz vieli gsuechti Gstalte i dem Etablissement!

Also, mir freued üs, mit eu d Fasnacht 2023 chönne zgnüsse. Bis bald!

]]><![CDATA[Fasnacht 2022]]>Tue, 04 Jan 2022 08:00:00 GMThttps://www.woeschwiiber.ch/blog/fasnacht-2022Liebi Fasnächtler

Ja, richtig bemerkt. Üseri Websiite isch quasi "iibürgeret" worde. Usem .com isch es .ch worde. Öppe Ziit worde! Naja, ehrlicherwiis müend mer zuegäh, das mer ghacked worde sind. Und üsi .com Siite isch ez bi de Chinese glandet. Naja, ob's ächt amene Virus liit?

Tja, und do simmer doch auch scho bim nöchschte Thema. Au im 2022 macht üs Corona nochli en Strich dur d Rächnig. FLEXIBILITÄT isch au das Johr gfroget. Drum händ mer für üch jetzt au no kei offizielli Date, wo mir aazträffe sind. Üsere Tipp: lueged doch ab und zue uf dere Websiite verbii oder liked üs uf Facebook. Dänn sinder immer up-to-date.

Eis chömmer versichere: ihr werdet üs ganz sicher ab und zu im Dorf aaträffe! Bis es e sowiit isch, chönder aber scho mol üseri Wöschwiiber-Zeiche uswändig lerne. Suscht wird das ja nie öppis mit richtig Wäsche!

Also bis bald - a de Fasnacht 2022.

]]><![CDATA[Ab ad Fasnacht]]>Mon, 06 Jan 2020 16:42:01 GMThttps://www.woeschwiiber.ch/blog/ab-ad-fasnachtUnd scho isch si wieder do... die 5. Johresziit!

Das Johr gseht me üs rächt hüfig a Umzüg... es git en Abstächer nach Wange an Nachtumzug vo de Röllizunft und au i de Höfe simmer aazträffe und das grad zweimol: sowohl am Bezirksumzug in Feusisberg wie au am Jubi-Umzug vo de Exel-Häxe. D Chörb sind packt - d Wöschmaschine au - sött also klappe!

A de Chinderfasnacht z Lachä chan me üs denn au wieder aaträffe. Für d Kids hämmer das Mol es Programm rund um's Motto Zirkus zämegstellt. Also wär als Elefant will cho - nur zue. Mir nämed natüürlich au Zauberer, Jongleure, Leue, Tiger, Dompteure, Rössli, Clowns, Akrobate und Akrobatinne und wänn sich öpper ganz chlii chan mache - wie wärs mit Flohzirkus?

Und wänn me scho am Gwändli bastle isch... au das Johr gits wieder en Kostümball für Chind und Familie im Hotel Bäre. Me chönti ja grad als ganzi Zirkusfamilie ufchrüze.

Am Fasnachtsmäntig schminked mer dänn au wieder. Damit mir aber nöd wieder a üsi zarte Finger früüret und nöd verzittered schminked, mached mer das direkt im Jugendbüro. Vorusse stoht dänn aber au no üses Kafizält, für die wo sich mit Kafi, Tee, Punsch etc wänd ufwärme.

Ihr gsehnd - es isch ächli öppis los. Drum mach ich jetzt Schluss und übergibe as Fasnachttriibe!

]]><![CDATA[Los goht's - i üseri 11. Fasnacht...]]>Fri, 04 Jan 2019 16:22:02 GMThttps://www.woeschwiiber.ch/blog/los-gohts-i-useri-11-fasnachtJuhuii! Die 5. Johresziit fangt aa! Nochdem Guetzli alli gässe sind, de Christbaum wieder abgschiired isch wartet üses Wöschwiibergwand gwäsche, bügled (also bi de einte) und blitzblank dass es endlich mol wieder in Usgang treit wird!

Mir freued üs also riesig uf en langi Fasnacht und klar - au dieses Johr sind mer immer wieder aazträffe. Under anderem am Umszugswuchenändi vo de Narrhalla "Karo & Narro isch Trumpf", de Seniile statted mer au en Bsuech ab, für d Chinderfasnacht hämmer wieder en super Parcours organisiert, nöd vergässe üses Schminkzält am Güdelmäntig und wämmer grad vom Güdelmäntig redet - am Obig unterstützed mer d Hore-Butzi bi ihrem Programm. Irgendwänn dezwüsched isch au no de Umzug im Innertal und und und... also - wänn ihr üs gseh wänd, müend ihr uf'd Gass. Mir chömmed dänn scho ;-)

]]><![CDATA[Die dritte 80er Jahre Party steht an!]]>Tue, 21 Aug 2018 11:33:19 GMThttps://www.woeschwiiber.ch/blog/die-dritte-80er-jahre-party-steht-an

]]><![CDATA[10 Jahre Lachner Wöschwiiber - unser Jubi]]>Wed, 02 May 2018 14:13:07 GMThttps://www.woeschwiiber.ch/blog/10-jahre-lachner-woschwiiber-unser-jubi

Tja, wer hettis au dänkt... aber au Wiiber chönd älter werde. Klar, dass mir das fiire möchted. Und zwar mit möglichscht villne Lüüt. Jung und alt.

Am 23. Juni isches sowit! Am 13.30 startet mir mitere Schnitzeljagd em "Wash-Trail" durch's Dorf. Do derzue freued mir üs natüürli, wänn sich möglichscht viili Teams aamäldet. De Start isch bim Raffplatz - s Ziel natürlich au. Soviel chömer verrate. Und klar het's au en Feschwirtschaft. Jetzt wartet mir nur no uf ücheri Aamäldige...

Am Obig am sächsi hämmer dänn no üseri "Wash-Party". Ja genau! Es Wöschwiiber Showprogramm, Unterhaltig mit em DJ Andy Voice und hoffentlich au no es paar Produktione vo üsne befründete Fasnachtsvereine. Chömmed doch au! De IItrit isch gratis.

Alli Infos zu üsem Jubiläum gfindsch Du übrigens uf üsere Jubi-Siite det chasch Dich dänn au grad aamälde.
Woeschwiiber-Jubi
Also - mir freued üs, mich Üch am Samstig, 23. Juni ächli chönne zfiire...

Bis bald
Lachner Wöschwiiber

]]><![CDATA[Nöd verpasse: Am Sunnig isch Familien- & Kinderkostümball im Bäre]]>Thu, 08 Feb 2018 11:36:47 GMThttps://www.woeschwiiber.ch/blog/nod-verpasse-am-sunnig-isch-familien-kinderkostumball-im-bareHänder s'Gwändli scho parat? Am Sunntig isch wieder de farbeprächtigi Familie- & Kinderkostümball im Bäre z Lache aagseit.

Natüüürli mit ganz villne Attraktione. Tolli Musig, Bäretanz mit de Bäre, Röllis und Zigerchrütler chömmed au no zBsuech und en lässigi Show gits sowieso no obedruf.

Klar, werded die schönschte und beschte Köstüm i drüü Kategorie prämiert. Es winked wieder super Priise!

Unbedingt verbii cho. Mir freued üs uf Eu.

]]><![CDATA[Üseri 10. Fasnacht]]>Sat, 06 Jan 2018 08:00:00 GMThttps://www.woeschwiiber.ch/blog/useri-10-fasnachtJa, richtig gläse. S 10. Mol mached mir das Johr mit. 10ni simmer aber nonig ganz. Mir händ nur schampar früeh aagfange. Üsers 10jöhrige fiired mir dänn im Juni 2018. Dänn vor 10 Johr het nämlich die ersti Sitzig mit de Idee vo de Lachner Wöschwiiber stattgfunde. Aber will mir das Johr zum 10. Mol mitmached, hämmer üs es chliises Gschänkli gmacht: Mir händ es neuis Gsicht. Das heisst en neui Maske. Jawohl - us Holz. Und sogar sälber gschnitzt.

Zrug aber zur Fasnacht 2018. Au das Mol simmer wieder ziemlich unterwägs. Trotz de churze Fasnacht. Und vill isch los... Chinderfasnachtsumzug, Chinderfasnacht, Kostümball, Schminkzält und und und... mir freued üs natürlich, wänn mer ganz viili Zueschauer, Mitmacher, Butzis und Schminkgsichter dörfed begrüesse.

Übrigens - me dörf bi üs au gärn inneluege und cho schnuppere. Wänn Du Lust häsch, mit üs mol an en Umzug z cho. Mäld Dich bi üs. Mir freued üs.

So. Und do no üseri Date:

]]>